近日Keep住落大雨，天色灰灰沉沉，天文台更發出黃雨警告，不過，高海寧（高Ling）就幫手喺沉悶天氣增添咗色彩。

今日高Ling喺社交網站上載咗輯陽光與海灘相，身穿貼身斜膊小背心襯熱褲仔嘅高Ling青春無敵，緊身衫更凸顯她34D玲瓏浮凸身材，再晒一雙白滑長腿，送埋陽光燦爛嘅笑容，真係殺死人！高Ling風騷留言：「自在本真的美麗生活！」唔少網民大讚好靚，仲封她係女神，朱千雪都留言大讚︰「好fit！」唔少網民都感謝高Ling為大家帶來陽光，仲有人問佢：「是否開始準備好新戀愛了？」