薛家燕的孫仔石汶栩（Julian Paul Shih）上月26日出世，榮升新手嫲嫲的家燕姐，今日以代言人身份現身廚具活動，大談湊孫樂趣。兒子石耀庭早前首度與孫仔慶祝父親節，首次做嫲嫲的她，更封利是給孫仔，現在亦會爭住湊孫仔。她說：「孫仔中文個名係親家請教人而改，英文名Julian paul係個仔改，不過我問過師傅李居明都話孫仔個相同八字都好，希望他健康成長啦！」
家燕姐覺得孫仔長得似兒子石耀庭，現時孫仔的體重有十幾磅，雖然BB衫已預大了尺碼，但新抱陳素怡（Zoe）說下星期就不適合穿著。問可想再抱孫？她說：「新抱要餵人奶，依家坐緊月，休息吓先。我諗佢哋有計劃，唔好畀壓力佢哋！我都有同修哥（胡楓）講想學佢兒孫滿堂。」家燕表示未有為孫仔建立教育基金，相信兒子及新抱會為孫仔安排。