年齡係女人嘅天敵，但對劉嘉玲嚟講反而愈嚟愈Fit，皆因近年她愛上做運動，每周至少做5日帶氧運動，行山、做gym乜都齊，55歲依然擁有超完美嘅曲線，真係索。

劉嘉玲喺疫情下休息咗一段日子，最近去咗上海開工，不過她仍然停不了做運動，忙中偷閒相約朋友踩單車，戴上頭盔及單車風鏡，配襯黑色緊身運動裝的嘉玲素顏上陣，雖然只係見到半塊俏臉，但皮光肉溜，加埋玲瓏浮凸身形，完全係逆齡魔女，冇得輸。嘉玲邊踩單車邊喺街上影相及拍片，仲對住鏡頭微笑，相當enjoy，興之所至留言：「騎行在路上，風景在我心。」網民大讚她單車手裝束夠pro；也有讚她美麗又健康。甚至有指她「素顏還看不出有瑕疵」、「享受人生，真羨慕你」。