蓋鳴暉將於今年書展推出《戲夢傳奇—蓋鳴暉情繫藝壇三十年》，她昨日在活動上透露去年已有構思出書，但疫情令書展叫停，反而讓她有更多時間做準備，她說：「因為去年係我入行30年，不過疫情令書展叫停，所以多咗大半年做籌備。我又可以搵多啲資料舊相，寫書期間，我回憶返以前入行好多趣事，其實我雖然學粵劇，但咁多年又有參演電視劇同舞台劇，嘗試好多唔同範籌，未來我仲希望以粵劇做基本，再發展唔同嘅嘢。」