港女用158元買變色海膽，大呻中伏。香港海膽&三文魚子關注組 FB圖片
該網民於Facebook群組「香港海膽&三文魚子關注組」訴說指，在元朗一間刺身海鮮食品批發店購買一盒「日本北海道馬糞海膽」，50克售價為158元，惟當時已發現「見佢色水唔同灰灰地」，第一次見到海膽每件顏色都不同，因而感到疑惑。遂詢問職員該盒海膽是否新鮮時，該職員回應指，「難得這款海膽入貨」，屬純天然無添加，為店內的熱銷產品。
事主指，當時見其他客人亦有選購該款海膽，故在好奇心驅使下就購買一盒回家享用，未料卻驚覺中伏，「點解難食過屎，仲要有渣」、「每一嚿都唔同味，苦又有酸又有，但又唔係臭咗嗰隻味」，並強調味道非筆墨可形容，「係呢世人食過最難食嘅海膽」！
事主續指，雖該盒海膽顏色及味道有異，幸食用後未有感到不適，並指在發現中伏後，店鋪已經關門，因此未有回到該店投訴及退貨。最後事主亦無奈苦笑，「多謝佢令我體驗到糞便嘅味道」、「當買個教訓，大家笑吓就算」。
帖文引起網民的熱論，有網民笑言，「買得落手你都唔簡單」、「藝高人膽大，唔使食海膽已經極壯膽」，亦有網民質疑為何事主見到該盒海膽有異狀仍選擇購買，「你又肯買真係唔明白」、「見到咁嘅色都買果吓先奇」、「咁都可以拎出黎賣，個良心會唔會有啲痛？而樓主你又夠膽買再食埋，真係服咗你」。
資料來源：香港海膽&三文魚子關注組
