樂壇天王黎明（Leon）一連9場的《Leon黎明Talk & Sing 2021紅館演唱會》昨晚劃上完美句號。雖然昨天掛上1號風球，而且不時落起大雨，但fans無懼風雨，熱爆紅館。尾場演唱會依然喺兩小時完成，十分準時。

完騷後半小時黎明坐保母車離場，適逢落住大雨，黎明眼見「落湯雞」鐵粉冒雨等他離場，猛叫Leon，卻被兩旁保安擋住，即叮嚀司機停車，並打開車窗跟Fans揮手，點頭致謝，令fans暖在心頭，大讚Leon係暖男天王，做咗爸爸更懂為人設想。