離開時，有仔萬事足的Alex摸摸囝囝個頭。
AJ日前跟 Alex（背向鏡頭）去食Tea，搞到成嘴白汁。
Alex與太太、雲妮率先抵達餐廳食嘢吹水。
AJ跟爹哋去完廁所一身輕，手揈揈彈住返餐廳。
杜氏夫婦另一日又約友人食同一餐廳。
Alex早前跟AJ父子裝去郊遊。
Alex兩公婆經常帶囝囝周圍去。
稍後北上工作的Alex早前趁時間，即湊仔食好嘢。
Previous Next
當日約下午4點，杜德偉與太太李曉冰（Ice）帶埋囝囝AJ，相約商台DJ雲妮及另一男友人，到又一城食Tea。Ice與雲妮邊食邊傾好投契，將頂杏色Cap帽反轉戴的Alex，就主力專心食麵和撳電話，間中先搭句嘴。未幾食飽的Ice忽然再Order嘢食，原來男友人湊埋AJ嚟會合爹哋媽咪，剛K2畢業的AJ好叻仔，唔使媽咪監督，都可以自己專心地拎住支叉捲意大利粉食，不過肥嘟嘟的他食到變污糟貓，勁得意，最終要媽咪幫手抹嘴仔。