拖著MV女主角的手，ANSONBEAN還能駕馭，但當要他跟女方面貼面時，怕醜仔嚇到成個人彈開。
都係跳舞自然好多。
ANSONBEAN強撐話只有少少驚。
大部份時間跟六位dancers一起跳舞，ANSONBEAN愈跳愈精神。
ANSONBEAN堅稱「彈開」只是拍攝效果。
Previous Next
ANSONBEAN（陳毅燊）首支派台作《CRUSH（oh no!）》MV內的CG特效，將ANSONBEAN化身成遊戲機內的跳舞少年，帶著混血兒MV女主角四圍去，導演在拍攝上刻意加入親密互動，例如要ANSONBEAN拖著女主角的手，甚至要兩人面貼面幾乎親咀的鏡頭。
20歲的ANSONBEAN雖然練得一身好舞功，但私底下其實相當怕醜，當跟女方面貼面時，怕醜仔嚇到成個人彈開，但ANSONBEAN堅稱「彈開」只是拍攝效果。他說：「其實劇情講我喺間餐廳帶女主角去玩嘅場面，係囉！個距離有少少近，啲人以為我驚所以跑，其實係劇本嚟嘅，所以呢我唔係好驚，只係有少少驚啫，好似好近咁，其實冇嘢嘅！」
ANSONBEAN感恩獲公司投放大量資源：「MV玩咗好多個場景，又有CG，仲有好多dancers，服裝都好特別，你睇吓我隻眼，係藍色㗎（隱形眼鏡），MV裏面仲會扮揸車！」