王梓軒入行12年處男下海拍美容廣告，一洗多年來「屈結」。他說：「咁多年嚟都有少少唔開心，因為經理人成日都聽到啲人話『梓軒啲皮膚都唔錯吖，不如拍美容廣告！』，佢次次都話好，不過冇做到，我覺得嘥咗我嘅青春，所以趁呢幾年把握好機會。其實我咁大個仔都未做過facial，嚟近會做第一次Thermage緊膚療程，聽人哋講係痛嘅，但我唔怕，希望可以做到最好效果。我最近捱夜工作，經常凌晨拍攝，經理人驚我皮膚下垂同腫，依家做番啲預防性工作……」。
今次拍攝有兩個造型，分別是美容專家和偵探造型。梓軒說：「今次有個新玩法，就係『女朋友視覺』，但我去到呢啲位就有少少害羞，有啲唔係好敢，但今次就畀我玩吓，第一人視覺同我進入一個空間去分享一啲經驗，我覺得幾好玩。」