就嚟再做爸爸嘅黎諾懿好開心，可能太開心一唔留神就搞到4歲囝囝「小春雞」（黎峰睿）變咗豬頭，隻右耳仲腫到好似假耳仔咁。聽吓黎太點講:「琴日帶左(咗)呢個小朋友去朋友家，佢個老爹稍一不留神放左(咗)佢去花園摘龍眼，轉個頭唔夠一陣番黎(嚟)變左(咗)做豬頭，餓蚊大軍連蚊怕水都唔驚照開餐，慘慘豬重災區係晒右耳，今日變左(咗)假耳仔咁，又輕微發燒，食左(咗)抗敏藥都係腫，唯有聽朝去睇醫生。」

從相中可見小春雞隻右耳真係大咗兩個碼，慘豬得嚟好卡通。