邵音音早前接受張寶華YouTube頻道的訪問，音音姐娛樂圈打滾多年，一直被視為傳奇女子，在訪問上提到過往拍攝風月片、受騙、毀容等人生經歷。屬「義氣女」的音音姐，年青時為了一位女歌手朋友出錢又出力，沒想到對方竟為了一個名牌手袋而出賣自己，音音姐說：「嗰陣我哋5個人食飯，佢哋灌醉咗我之後，帶咗我去開房，隱約間聽到有話：『真係做唔出，佢真係好無辜，我真係唔忍心！』其他嗰兩個人聽到之後，都放棄咗，嗰陣我一直係咁喊，覺得好痛心，點解個女朋友會咁樣我？」點知返到香港後，有不少娛樂雜誌報道她在當地「賣肉」：「我當時真係好痛苦，背後做呢啲事嘅人，全部都係我好信任嘅朋友。」邵音音不諱言只能怪自己容易信人：「佢有同我講對唔住，不過我而家釋懷咗，人哋都係為咗生存啫。」