向海嵐（Anne）作客陳倩揚為香港開電視主持的節目《你得我得大家得》分享Keep Fit經驗，倩揚則即場為Anne炮製一道田園蛋餅。
Anne坦言過往曾試過不同減肥節食方法：「以前以為自己食早餐會肥，曾經一段好長時間覺得唔可以食早餐，但之後發覺呢個方法係錯，依家我最著重係早餐。」

現時Anne奉行健康飲食原則，除了有食用保健產品之外，還大爆三文魚成了家中的必備食材：「三文魚係急凍，所以屋企可以擺好多，係好理想嘅食材，而且三文魚煮嘅時候唔易出錯、好方便，自己喜歡用三文魚做晚餐，夜晚主要食魚、肉同菜，六點之後甚少食有糖份嘅食物。」