港隊羽毛球混雙組合鄧俊文及謝影雪，早前在東京奧運銅牌戰中不敵東道主日本組合；早前兩人已返回香港，並開始在檢疫酒店接受7天的隔離。

不知是否受時差影響，謝影雪今早6時已自然醒，並在社交媒體Instagram限時動態上發布「你問我答」與網民交流及解悶。其中，有網民問她「如果Viu邀請港隊同mirror打羽毛球友賽，你哋會唔會應承？會放水嗎？」身為左撇子球員的謝影雪回應問題時，就調皮地表示：「我同（鄧）俊文用右手又點話」，更標記ViuTV的IG帳戶，看似認真想「挑機」人氣男子組合MIRROR。

不少網民看完該則限時動態後，都紛紛表示非常期待這場賽事，「一邊court（球場）企十二個人真係諗起都壯觀」、「12個企一邊場，波都未打到已經打到自己人」、「呢啲真係推廣體育好機會啦，政府應該出埋錢搞啦」。

另外亦有人估不到謝影雪亦是「鏡粉」之一，想像若賽事成真，鄧俊文可能要孤軍作戰，「阿雪原來都係鏡粉」、「只係得俊文單打，阿雪會過咗去幫Mirror手」、「阿雪會唔會到時變咗同mirror夾打俊文，做『鏡影配』」。事實上早於東京奧運備戰期間，謝影雪已經聽著MIRROR的歌曲訓練，明顯是忠實歌迷。