由趙善恆、鄧月平、張建聲、郭奕芯（Ashina）、張沛樂（沙律）及馬俊怡（Rose Ma）演出的電影《#PTGF出租女友》將於9月9日上映，電影公司發放首張海報及預告片，導演鄭峰嵐表示，香港在每個年代都有女孩為生計而從事踩界事業，魚蛋妹、夜總會、援交妹到ptgf，但ptgf提供給客人的是愛多過性，心路歷程較複雜，題材較豐富及有趣：「香港近年少開心事，唔想拍太沉重嘅故事，真係想帶俾觀眾娛樂，大家睇完開開心心，少少鹹多多趣，同埋我有同原作者及真實嘅ptgf傾過偈，原來ptgf喺香港咁盛行。」

不過電影在今年初疫情高峰時期開拍，在拍攝期間遇上不少困難，導演直言最大困難係正值疫情及限聚令關係，很多地點都不能拍攝，每日都要在有限時間內拍攝多場戲，幸好演員都諒解，拍前圍讀做好準備，盡量令拍攝順利進行。