人情還人情，數目要分明？網民在「香港討論區」發文，指公司有個男同事每次出外食飯都聲稱銀包無錢，又表示無用Payme，可能相隔幾日後才還飯錢。

發文者舉例，「仲要可能$54蚊，就畀$50蚊你，個幾蚊雞有時真係唔好意思出聲，但係佢咁樣呃埋呃埋我諗都有幾嚿水，可以點樣對住呢啲同事？」

不少網民稱，現在電子支付工具盛行，就算沒有Payme一款都可以用其他支付工具代替。

有人提議，「同Cheap人就鬥Cheap得啦。佢銀包無錢，你咪搵次夾埋啲同事，個個銀包都無錢，係夠畀自己個份啫。咁佢咪要死死地氣去襟機囉。再唔係對啲慣犯（而你確定你又玩得起的話），出Email追數，再唔小心CC咗畀全公司同事，到時佢Cheap極都唔敢問你再借」、「去快餐店食咪得囉，各自畀錢，俾咗錢先拎嘢食」、「一係就先收錢，最後你負責埋單。或者食完之後send email，send個list每個人幾多錢。就咁簡單。」

云云網民留言中，另一個簡單的解決方法，就是「唔好同佢一齊食」。

帖文轉載自「香港討論區」