「潮媽」孫慧雪日以繼夜拍新片《愛還記得》，攰到入咗男廁尿尿都唔知。
原來女廁同男廁只係一牆之隔。
孫慧雪去完廁所舒服晒。
孫慧雪戲外仲可以保持到笑容。
雪雪好多場口同陳國峰一齊拍。
扮學生妹嘅雪雪仲好神似。
雪雪首次喺電影中擔正演出，所以幾乎場場戲都有她同陳國峰，她更邊開工邊影啲拍攝花絮相上載社交網。由於好耐未試過由朝做到晚，呢個靚媽喺社交網站留言話：「我攰到男女不分」仲附加咗條走錯入咗男廁嘅大懵短片。片中有埋女助手聲音導航話：「首先孫慧雪話好急尿，跟住大家睇一睇...」語畢見雪雪由男廁若無其事走出嚟，女助手提示道：「點解你去咗男廁嘅？」此刻阿雪望咗一望先醒覺走錯廁所，她一臉驚恐樣尷尬笑說：「我唔知呀！」
網民對雪雪嘅出錯莫名其妙，有網民質疑話男廁有尿兜㗎喎！仲搞笑取笑她：「咁大懵，有色魔呀！」、「報警拉得！」有人戥她緊張：「好彩冇男人喺入面，唔係嘅話見到你，可能以爲上咗玩嘢王節目！」、「好彩冇䶢濕佬，女人去男廁就無事。」
