韓國男星朴敘俊落實加入《Marvel隊長2》，不過起行去美國之前，要先完成災難片《水泥烏托邦》拍攝，趁有空檔即去玩最近喺韓國好Hit嘅高爾夫球。朴敘俊拍低揮杆一刻，雖然得背面睇不過都好滿足，原來佢手臂嘅「老鼠仔」都幾Firm，男神又大讚其高爾夫球教練係「Great teacher（好老師）」賣口乖。個波嘅路線似乎用App可以追蹤到，因為短片畫面上出現一條紅色拋物線，勁似玩體感遊戲嗰陣，電腦話你知個高爾夫球飛咗去邊咁。