中秋佳節將至，有人會購買月餅，亦有人會花心思自製月餅。不過有人妻就指，奶奶今年想「健康啲」而欲自製月餅，但就惹來老爺極力反對，指又貴又浪費時間；人妻曾想撐奶奶，丈夫卻指責她不應多事！

該名人妻在「香港討論區」上，以「奶奶話佢要自己整月餅」為題發文，指奶奶今年中秋希望食得健康啲，故打算自製月餅；人妻亦支持奶奶，「起碼自己知落咗啲咩材料呀嘛」。不過老爺聞言後竟直斥「買咪得囉，整咁嘥時間，買一盒返嚟都唔係咁貴，你自己買材料再買模仲貴過買盒月餅」。

人妻本來想幫口撐奶奶，卻被丈夫責備「唔好咁多事」，「仲話我哋咁鍾意食月餅買夠一人5盒畀我哋食」。她表示，曾在網上了解過月餅的做法，認為不是太難，對老爺及丈夫堅決反對表示不解，「但係我老公就唔畀我哋自己整仲要鬧我哋。」

帖文引起網民討論，有人支持樓主奶奶，「奶奶有啲世藝（細藝）仲好，唔係好唔好食嘅問題」、「唔係下下都用錢衡量，唔通樓下兩餸飯平過自己煮，就日日食兩餸飯咩」、「奶奶應該退咗休，搵啲嘢做下，整畀屋企人食有咩問題？」。不過亦有人質疑是否奶奶的廚藝令人卻步，「你奶奶係咪唔識煮飯所以你老公先咁冇信心？」、「可能你老公好鍾意食某個牌子的月餅，驚今年and以後冇得再食，以後要食老母啲月餅。」

資料來源：「香港討論區」