高海寧（高Ling）今日以雅典娜造型亮相《七公主》宣傳活動，劇集女角眾多，江嘉敏（Kaman）也以Bra-Top配西裝外套現身爭艷，問高Ling是否cosplay上癮？她笑說：「因為劇集有我嘅內心世界同陸永嘅漫畫世界，所以有很多唔同造型，每一次見面都着。拍攝時着覺得好過癮，因為可以好浮誇地演出，但宣傳活動見大家都着咁靚，我已向監製投訴下次要着自己衫！」問Kaman可會幫手cosplay？她笑言：「我喺劇中都有Pink Lady造型，但我都想扮肖護士，邊個想睇都可以睇，因為靚女同時係女性味代表，自己未試過演女性味角色，平時都係可愛嬌俏角色。（有被男友要求cosplay？）從來冇試過，劇中都只係着過1次校服。」