李璨琛3歲囡囡李元元（Lucy）早前試穿校服但又未有得返學，傷心到喊，今日是9月1日開學日，終於畀呢位小朋友恨到返學！經營Lucy社交網的媽咪梁志瑩（Sophia）就上載帖文，指囡囡返學，失落的人反而是她：「李元元同學正式第一日返學。李元元梗係完全冇想喊嘅跡象，反而李老母就真係好想喊(CRY~~~)😭😭😭由今日起，李元元晏晝唔再喺屋企同佢玩或者俾佢玩，佢成個人覺得好寂寞又傷心，覺得自己好似冇咗個女咁呀！」