郭奕芯（Ashina）在新片《#PTGF出租女友》是第一位出場的ptgf角色，叫「Ball Ball」，Ashina形容「Ball Ball」好現實、港女、非常拜金。Ashina最難忘在桌球室拍篤波戲，着超性感的大低胸窄身裙戲服亮相，但當時她因患上荷爾蒙失調，整個人很腫，加上本身不懂打桌球但劇情指她篤波叻，要臨場即時練習，她更是全套戲首個出場的ptgf，要令觀眾對ptgf留下第一印象，在各種原因下令她感到極大壓力。她還自爆這是她第一次在熒幕前講粗口對白。


提起荷爾蒙失調，Ashina苦笑說：「前排疫情留喺屋企，好想有嘢做又好悶，唯有係咁食嘢，新陳代謝好差，好腫又心情浮燥，最慘都係好想食嘢，係黐咗線，好似魔鬼係咁搞亂我，拍完《#PTGF》就睇中醫，飲中藥調理返，依家正常，瘦返啲。」