女子組合Super Girls（SG）隊長趙慧珊（Aka），日前推出第6首個人單曲《愛人如己》，為配合新歌主題，Aka特別邀請好姊妹李靜儀（Heidi）進行友情大考驗，測試二人對對方的了解度，不過「大測試」最終竟變成「大踢爆」，考驗期間Heidi大爆Aka喜歡宅男；Aka亦不輸蝕，大爆對方是小富婆。

事緣被問到「寫出自己及對方的男神」時，二人開始大玩「踢爆」，Aka指Heidi喜歡身型高大的男士；Heidi直指對方鍾情戴眼鏡、懵懵地的宅男，Heidi還問Aka會否介意另一半矮過她？搞到Aka哭笑不得，Aka表示：「矮過我都得，冇問題。我係咪鍾意宅男？都啱啱地，但依家我擴闊咗自己。」Heidi聞言就說：「哦，呢個（宅男）係佢以前鍾意嘅類型。」