水務署吉祥物「滴惜仔」經常在社交網站分享慳水心得，呼籲市民節約用水。日前，滴惜仔就在FB專頁發文，呼籲市民沖涼期間不應該胡思亂想，要「快快手」以免長開花灑導致浪費食水。然而，網民焦點卻紛紛放在其中一幅有關天堂論的帖文上，惹起熱議。

帖文指：「阿媽平時成日話我唔諗嘢，梗係啦，沖涼嗰陣先靈感男神上身，一邊捽胳肋底，一邊思考人生㗎……你哋又會諗啲乜呢？不過諗還諗，長開花灑諗嘢好嘥水㗎，快快手沖完好出返嚟喇！」

滴惜仔又在帖文圖片中，舉出數個胡思亂想的例子，例如是「我右手寫字，左手拎叉，咁到底我係左囿定右囿呢」、「蕃茄同雞蛋同一時間炒，會變成蕃茄炒蛋定蛋炒蕃茄」、「人死咗會去天堂，咁龜死咗係咪會去海天堂呢」。