李璨琛3歲女兒李元元（Lucy）因為外表可愛，又鍾意整蠱作怪，深受網民喜愛，而她平日最愛出街，不時在街頭與網民互動。Lucy自月初開學後，只有返學放學，去街玩的行程買少見少，要等到周末才可以外出。Lucy媽與囡囡一樣好期待，留言：「星期六唔使返學，梗係要出街吸收下日月嘅精華啦！個樣開心到佢。」Lucy媽冇講錯，囡囡真係好開心，更開心到要坐在凳上表演一字馬。網民取笑Lucy：「開心到一字馬都出埋嚟啦」、「『元』美一字馬」、「個坐姿會唔會太奔放？」