張敬軒（軒仔）早前拍攝眼藥水廣告，片中展示了水汪汪大眼及琴技，引得粉絲們紛紛讚靚又大叫「鋼琴王子」。問到拍攝前的準備功夫？要拍攝眼部Close up鏡頭的他笑謂：「嗰日特登叫『遮遮（軒仔工人姐姐之稱呼）』烘熱啲包，然後我「哄」對眼喺啲包前面，等啲蒸氣去蒸一蒸對眼，蒸對『麵包眼』出嚟，咁就好Bling bling啦。」軒仔又分享了三招日常眼睛護理：「第一招係盡量唔睇污糟嘢，譬如盡量唔睇自己嘅自拍啦；第二就係盡量少捽眼，因為有鼻敏感嘅人都鍾意捽眼，我都會提醒自己唔好捽眼；最後就係要滴眼藥水，睇嘢清楚啲，睇人都清楚啲呀。」