由李思捷主持及監製的TVB遊戲節目《思家大戰》昨晚播出第三集，今集邀請了蘇志威（阿細）、劉小慧、二人細囡Ina、蘇永康及蘇志威哥哥組成的「Sohea自由行」隊，以及胡渭康、韋綺姍、海俊傑、莫鎮賢及歐陽德勛組成的「新秀」隊。阿細介紹蘇永康時笑指二人關係複雜，並謂已把對方列入家族族譜：「好少兄弟可以肉帛相見，可以一齊沖涼，我哋就會，呢啲咪叫兄弟囉！」蘇永康續說：「比小慧更早就同佢一齊沖涼，我哋關係好長！同一年入行，識咗好耐，30幾年，嗰啲日子係要珍惜。」由於阿細及蘇永康本身亦是新秀出身，遭胡渭康大叫「叛徒」，胡更笑言：「總之識朋友識姓蘇要留意喇！佢哋容易畀靚女拐走！」