林作喺中秋節晚上急不及待同團隊慶功，仲風騷多謝「恩人」鍾培生畀錢佢使。
94萬期票
林作已收到鍾培生拳酬期票，扣除林作買飛錢只得94萬多，預計今朝過戶，明天入到數。
感謝教練
林作寫咗張8萬8千8百期票慰勞向教練，但補充句：「如果鍾生聽日唔找數，就變咗骨牌效應喇！」
慰勞團隊
林作未收到拳酬，中秋節晚已急不及待宴請團隊「食好西」。
孺子可教
林作送上白汁豬肺湯孝敬向柏榮師傅，獲師傅讚乖仔，孺子可教！
大晒恩愛
林作喺慶功宴上風騷地同裕美公開親熱，大晒恩愛。
食客無視
「林鍾大戰」直播最高峯時有2.8萬人同時收看，但當晚林作行入食店，冇乜食客留意佢。
雖敗猶榮
林作、鍾培生嘅「百萬大戰」，林作頂足四回合只係輸點數，雖敗猶榮。
受皮外傷
林作話當晚只係受皮外傷唔覺痛，裕美幫佢搽啲Cream搞掂。
贏波輸盤
向教練讚林作做到教佢嘅心法同戰術，算係贏波輸盤。
用錯策略
向教練指鍾培生團隊用錯策略，根本一開始就要消耗林作體力，然後好似「麻鷹捉雞仔」咁包住唔畀佢游走再係咁扑傻瓜。
「加碼」走數
Henry指鍾培生賽前曾出post，已接受林作「加碼」提議，如果KO唔到就跟佢師兄Henry打過，但至今仍未找數。
另眼相看
經過「林鍾一戰」，林作支持者明顯上升，唔少網民對他另眼相看。
下巴輕輕
今年5月鍾培生睇林作處男擂台戰時，曾在IG Story開live向林作及其師兄李俊亨（香港散打冠軍）挑機，話一日內可同時間KO兩人但最後走數。
變得低調
賽後贏家鍾培生變得低調，只係出post多謝製作團隊舉辦咗個完全冇政治色彩嘅娛樂活動。
