家門前突然有陌生人嘗試開門，難免大嚇一驚。青衣一名街坊於社交網發文指，本月18日外出期間，一名男子突然用鎖匙嘗試開啟其家門鐵閘，惟開門不果而大力搖閘。該名街坊回家後，發現門鎖損壞鬆脫，擔心有人企圖「爆格」遂報警求助。經了解後，該名陌生男子竟是地產經紀，對方解釋去錯單位，並僅願意於電話道歉及代為更換匙膽了事，拒絕當面道歉，令該名街坊甚感不滿。

事主於Facebook群組「青衣街坊吹水會」發文，指家中的防盜系統突然不斷發出警報，由於當時外出未有為意，及後翻查閉路電視畫面，發現一名身穿恤衫陌生男子，用鎖匙嘗試開啟其單位鐵閘，其間疑因未能成功開門而多次搖閘，整個過程約長20分鐘。事主擔心有賊人企圖入屋行劫，立即趕回家了解情況，並通知管業處及報警。

事主翌日發現，片段中的該名西裝男子原來是地產經紀，且屬某地產中介分行的高級職員。事主致電查問後，對方解釋指因「搞錯放盤單位」，故去錯大廈、開錯單位大門，強調當時無惡意。事主仍心感不忿，「唔啱鎖匙都玩咗4個字，你話服唔服？估唔到做到咁大粒都可以犯啲咁嘅錯，明知條匙唔啱都不停插、搖閘」、「最慘係嚇親老人家同我呀，啲鄰居都驚驚」。

事主續指，該名地產經紀解釋事件後，反指因她將片段上載至網上，故雙方「無嘢傾」，僅願意代換匙膽，不願當面道歉，同時要求事主刪除帖文，「佢話已經負咗責任，幫我哋換咗個匙膽，所以拒絕當面道歉，亦喺電話上同我講咗唔好意思」。

事主其後補充指，該名地產經紀曾稱認識退休警察，「問過人哋，話我哋（事主）都告唔到佢啲咩」，且態度惡劣，惟事主堅持要求當面道歉了結事件，因此打算追究到底，同時亦向大廈管業處投訴，認為當值保安疏忽，任由地產經紀沒有登記直接上樓。

帖文引起熱論，不少網民批評涉事男子離譜且態度惡劣，「試咗條匙唔啱仲要夾硬嚟，佢似爆格多啲」、「真係搞錯盤定爆格根本冇人知，既然真係一場誤會就好應該好好聲氣同人道歉，維修返人哋財物」、「唔係屋主撓人個鐵閘，已經有問題啦」！

資料來源：青衣街坊吹水會