周國賢（Endy）日前接受TVB娛樂新聞台節目《StarTalk》主播許文軒（Edmond）專訪，訪問上談到相隔近三年再推出個人新歌《塵世美》，Endy說：「2020年停工，主要係因為之前做咗好多嘢，包括出碟、做騷同拍戲，一路都冇休息，再拍攝完《一秒拳王》都唔知自己傷得咁嚴重，傷及筋骨，原來身體同情緒係要還，咁不如去個靈修之旅包括京都同清邁，本身諗住去一陣，點知喺泰國嘅時候，遇上疫症最嚴重，初初頭一兩個月有Keep住搵機票返香港，但真係完全冇機位，既然個天要你留喺度，咁就不如好好學習同自己獨處，而《塵世美》呢首歌，就係喺泰國瞓喺張床嗰度，見到填詞人小克一個徵求旋律嘅Post，咁就啱啦！當時我好得閒，大概一個禮拜就完成到首歌。」