陳展鵬與老婆單文柔育有萌女陳諾瑤（小豬比），升讀幼兒預備班（N班）嘅小豬比已經2歲，接觸事物愈多愈愛模仿。陳展鵬昨晚（25日）社交平台放咗一條短片，拍小豬比學爸爸喺屋企做掌上壓運動。他留言：「模仿力唔錯，但仍有進步空間，加油！」片中見束住孖辮仔嘅小豬比模仿得相當認真，全身出力做咗幾下，仲扭動埋個PatPat，連條尿片仔都曝埋光，小豬比完成動作後開心到不得了，相當可愛，陳展鵬則在鏡頭後和囡囡互動。