多名建制派立法會議員不滿選委會選舉點票時間長，有議員更要求撤換選管會主席馮驊，政制及內地事務局局長曾國衞會向特首轉達，而選管會會在三個月內交報告。

新民黨立法會議員葉劉淑儀：「依類嘅行政工作仲應唔應該搵啲法官去做呢？你知法官嘅生活和我哋好不同，法官就係不沾紅塵、活在雲端之上，都係打波、唱K個啲生活。」曾國衞指是行政長官委任，會將葉劉淑儀的意見向林鄭月娥反映。

工聯會議員麥美娟：「十幾個鐘頭，無人話畀你聽票箱幾時運到，點解咁遲。」民建聯何俊賢：「係咪應該設立統一嘅通報機制，讓候選人又好、公眾都好，查詢何時會公布結果？」

曾國衞稱大家有許多意見，預計委員會上大家都會提出，但今日主題不是檢討大會或聲討大會，主力想講立法會選舉。何俊賢就質疑：「無聲討佢，出現咗問題，同樣可出現係於下一次立法會選舉。」

其中一個點票時間長原因是電子點票機「卡紙」。議員葛珮帆：「有啲死硬嘅『攬炒派』，佢哋現在知道你嘅死穴是『卡紙』，會唔會俾人有機可乘，做出各種『惡搞』嘅可能性令你集體『卡紙』?」

選舉事務處總選舉事務主任翁應輝指只有選委會的1500名選委會成員才會用電子點票，地區直選不用，人手容易看得到，不需用機。