一艘水警快艇上周六（25日）被走私艇撞翻，女高級督察林婉儀不幸墮海失蹤，遺體昨日（27日）在大嶼山二澳海面尋回。拒絕宣誓被DQ的前深水埗區議員李文浩發帖，稱「諗起佢有咁多ot真係戥佢開心」，言論惹來多方不滿。其中前特首梁振英呼籲全城聲討，團體香港政研會更表示李文浩仇警，涉嫌違反《港區國安法》

李文浩於昨日在個人FB專頁發帖表示：「究竟ot係計撈返上水嗰一下? 定係計跌落去嗰下先？如果計跌落海嗰下，佢未即刻死，都叫做執緊勤。但如果計撈返上嚟嗰一下，咁你下年都未搵到，咁咪好襟計。公帑嚟嘅，計清楚好啲。」

李文浩續稱：「跌落水全城歡呼係事實，冇得強迫人唔開心㗎喎，睇街坊民情就可以知道，幾多人想睇住佢哋死。仲有，啱啱跌落水嘅時候唔敢出post慶祝，驚唔小心燈到佢自己爬返上水，而家就可以啦。我開心冇犯法喇嘛，冇事我返出去幫你計ot喇喎。」