李克勤早前加盟新一季《中國好聲音2021》擔任導師，他憑着幽默風趣的魅力及赤誠態度，除贏得眾學員愛戴外，亦深受觀眾及網民歡迎。近日克勤跟以抖音名曲《大風吹》爆紅的內地新潮音樂人王赫野合作，推出充滿八、九十年代香港曲風的廣東作品《秒針》，大玩復古情懷。克勤坦言今次的嘗試是要突破自己：「想嘗試新嘅嘢，亦都想嘗試唔同嘅製作班底，唔同嘅合作伙伴。唔係一定要一貫用開嘅製作班底、曲式或者做法先至得。」克勤向來對自己歌曲參與度甚高，今次卻沒有出過任何意見，他配合對方，因為想做一次比較貼地的做法：「所以要先放低個香港歌手做國語歌嘅包袱，而去做一首這類型嘅歌。」《秒針》旨在打破聽眾對於常規廣東歌曲的印象，帶來耳目一新的感覺。