Twins於2001年出道，今年成軍20周年，兩人之前透露有意喺明年舉行出道20周年演唱會，不過仍未落實！雖然係咁，但身在內地嘅蔡卓妍(阿Sa)仍然落力狂操，除咗keep fit之外，仲為開演唱會隨時做好準備。

阿Sa喺社交網貼上兩張「影後」相，見她喺排舞室操到身水身汗，隔住件白Tee都見到汗水印，其中一張相仲對住靚景趷腳提腿，擺出天鵝湖pose並留言：「Nice weather + nice workout.」網民畀Like同時，將焦點落喺阿Sa美腿上，留言：「這腿好細，好羡慕。」、「優雅的舞姿」、「好天氣，好好鍛鍊，加強訓練。」、「才女，美貎與智慧並全的蔡卓妍小姐。」、「超級自律的sasa。」