台灣電影界的一年一度盛事《第58屆金馬獎頒獎典禮》將於下月27日在台北國父紀念館舉行，今屆的入圍名單於今日下午五點三十分揭曉。由李駿碩執導的電影《逐水漂流》共有12項提名，吳鎮宇獲提名最佳男主角、謝君豪、柯煒林和李麗珍則分別獲提名最佳男、女配角，其他獎項包括最佳導演、最佳劇情片和最佳改編劇本等等，對於獲得多項提名，導演李駿碩表示: 「非常興奮同意外有咁多提名，金馬在我心目中尤其重要。我特別高興柯煒林、黃衍仁同梁銘佳都有入圍，佢哋同我一樣比較新入行，亦好多謝整部戲的所有台前幕後，同埋mm2上下的努力。」

鎮宇在1999年憑電影《鎗火》成為金馬影帝，事隔多年再憑《濁水漂流》被提名影帝，他說：「多謝大家嘅恭賀，好開心能夠入圍，亦都恭喜《濁水漂流》各位入選嘅朋友， 大家都係一齊出了一分力，一齊都有付出，希望大家都會有獎！」


獲提名男配角的謝君豪亦表示：「哇！估唔到97年《南海十三郎》贏咗金馬獎男主角之後，24年後終於可以再度提名，當然好開心。當年參加金馬獎時實在太年輕，冇乜太大感覺，拎完獎返劇組繼續拍戲，連慶功宴都冇搞過。但後來發現，呢個獎對我嘅演藝事業幫助太大了，好多人都係因為呢個獎項先關注同認識我同十三郎這個人物。今次《濁水》演『老爺』呢個角色再次受到金馬獎嘅肯定，我演技有冇進步唔敢講，起碼證明冇退步啦哈哈。我個人當然有信心，同時希望《濁水》台前幕後的工作人員都可以獲得好成績，等大家關注同認識我哋嘅香港電影。」同樣被提名男配角柯煒林還說 ：「 『木仔』呢個角色對我好重要，我自己都好喜歡呢個角色，同團隊合作亦好開心。入圍金馬獎係對於我呢幾年嘅演員生涯一個好大嘅肯定。多謝咁多位一直支持香港電影的觀眾。」