近期甚少現身幕前的羅力威，前日（7日）與吳業坤為KB和黃丹儀的網上主持的音樂節目擔任嘉賓，羅力威在2009年參加第一屆《亞洲星光大道》贏得總冠軍而入行，KB問他假如當年沒有參加比賽的話，現在又會做甚麼？羅力威說：「我都可能會鑽研音樂，嘗試作吓曲，累積吓啲作品周圍send嚟send去，希望有自己嘅作品流傳，都係喺音樂為主。」反而坤哥未有想過做歌手：「我都係參加咗比賽之後先諗住做歌手，未參加《超級巨聲》，試過參加第二屆嘅《亞洲》，嗰陣見羅力威咁紅，我仲記得嗰陣喺亞視門口排隊，入到去唱咗20秒就俾人『叮』走咗！」