由譚玉瑛、黎芷珊及蓋世寶擔任主持的TVB綜藝節目《童你一起長大了》昨晚（10日）播出的第二集，當年飾演「麥偵探」的麥長青（麥包）以及「四眼鼠」的張沅薇齊齊現身錄影廠，張沅薇與黎芷珊、朱茵及姚安娜當年均曾為麥偵探擔任秘書，麥包更細數各人特點：「第一代芷珊係靚嘅，朱茵就精靈嘅。不過芷珊係鍾意扮靚，管家婆類型；張沅薇就純粹靚，不過冇腦！」談到當年朱茵美貌令《閃電傳真機》台前幕後為之驚艷時，麥包卻謂：「係咩？唔好意思呀，阿茵，我唔會用『靚』形容，我只會用活潑開朗精靈聰明形容。你同朱茵拍嘢，佢轉數好快、度嘢好快，亦都畀到嘢出嚟。」