洪永城（Tony）今年7月結婚，並宣佈太太梁諾妍（Inez）懷孕，雙喜臨門。向來被封為「愛妻號」的洪永城，受老婆影響愛上做運動，日前接受波士頓馬拉松挑戰，他於社交網貼上跑完後大字型瞓在路邊的相片，並寫道：「從來冇諗過自己會跑馬拉松，係42.195 Km 全馬，足足玩咗我六個鐘，抽筋到盡頭。但係好開心，除咗完成嗰刻，而(𠵱)家仲開心緊，因為而(𠵱)家我喺度食緊pizza 加甜筒，零罪惡感。」老婆Inez大讚：「你好叻呀！」洪永城則冧爆回覆：「好在有你在旁。」