的士司機與乘客之間時有拗撬。有網民早前在網上批評，部分司機會在前座座位之間交置濕的雨傘及雜物，影響車廂環境衛生及前座乘客的乘車感受，認為司機自私又污糟，引起網上熱議！

有網民在社交媒體Facebook群組「的士司機資訊網Taxi」發文，指乘搭的士時，或會遇到部分司機將多袋物品及雨傘放於副駕駛座旁的位置，令前座乘客只能緊貼雜物而坐。從樓主上載的照片可見，兩輛不同的士副駕駛座位旁，放滿以膠袋或環保袋載著的物品及雨傘，前座乘客於車程中，身體及腳部無可避免需觸碰到物品。

樓主表示非常討厭有關行為，認為的士司機放置過多雜物，會影響車廂環境衛生及前座乘客的感受，「喺街截車及畀正價call車是租你4個位用，唔係一定要同你濕𣲷𣲷嘅遮及污糟邋遢嘅袋共存」。他又指，自己曾開聲向司機反映問題，但有部分司機都不會理會，直指「見到呢啲一律畀一星評分」。

帖文引起網民熱議，有人認同樓主的看法，批評有關司機欠缺衛生意識，「司機要自律，保持清潔是應該的」、「都無要你坐喺啲雜物上面要謝主隆恩啦」、「香港的士好多好多又臭又污糟，見到啲相就知司機放咗好多嘢喺車頭仲阻到駕駛」。不過亦有的士召機反駁指，乘客若感不滿大可即時反映，亦可選擇不乘搭該輛的士，「唔高興咪落車行路囉，係人都有私人物品㗎啦，又唔係叫你攬住佢坐車」、「呢啲係司機嘅家當來㗎啦，睇開啲啦」、「客人有權唔搭唔上呢架車嘅，有時候打風落雨，司機都唔想濕𣲷𣲷咁開車㗎，將就一下啦」。

資料來源：「的士司機資訊網Taxi」FB