蔡少芬、朱茵、陳法蓉及洪欣為內地真人騷節目《請吃飯的姐姐》接受考驗，大玩「港普F4」之最，選出最多人追、最易嬲、最不守時、最飲得、最易呃及最囉嗦、最有錢等人選。

唯一未婚的陳法蓉經票選成為「桃花王」，朱茵說：「佢（陳法蓉）不停享受被追求嘅感覺，如果唔係，佢已經結婚。」陳法蓉亦笑言自己實至名歸：「我有好多人追，但我唔鍾意嘅話我會拒絕，唔會畀對方希望、浪費對方金錢及時間，呢個秘密唔係太多人知，因為好多時啲人見唔到我身邊有太多男性出現，但其實我拍拖非常機警，拍咗你哋都唔會知。」同時法蓉亦一致被選為「囉嗦王」，今次她則否認囉嗦，只是詳細。