保錡同肥仔都被人認錯，但戲院黑麻麻，又戴晒口罩，認錯都唔出奇。
安俊豪同保錡一樣都染咗銀白色頭髮。
被雲海認錯係肥仔，其實係樂隊神奇膠主音日新（左二）。
雲海出Post話見到保錡同肥仔，但朋友話唔似，求真相。
最後當事人安俊豪現身。
原來「肥仔」係日新。
ON仔話試過畀人認錯似曹永廉。
呢個先係保錡，同安俊豪一樣咁高大。
有網民話見到杜德偉唔睬人，呢個都算經典。
Previous Next
人有相似，藝人撞樣事件時有發生，最經典一次莫過於有網民將許志安認錯成杜德偉，仲話：「條友好寸，叫佢杜生都唔睬人。」而C AllStar成員陳健安（On仔）又試過被人誤認係曹永廉。

最近旅遊達人、網絡主持兼作家，總之就瓣數多多嘅前DJ雲海，日前就喺社交網出咗個Post，話去睇《毒魔》IMAX特別場嘅時候勁驚喜，因為右手邊坐咗幾個ERROR同MIRROR 成員，睇完戲佢就硬着頭皮問阿Dee影咗張合照，跟手就再數遠少少嘅Lokman、Alton，但由於戲院好黑，大家又戴住口罩，佢就見到疑似保錡同肥仔嘅身影，仲偷拍咗一張相，但佢朋友就堅持話唔係，叫網民幫手認一認。