穿公仔衫出街就等如思想幼稚？有港女表示，在街上看到一些30歲以上的男人穿印有卡通公仔的衣服出街，遂批評他們「又hea又低B」，更直指「冇啲男人氣慨」，惹來網民熱議。

該名女網民在「香港討論區」上，以「覺唔覺男人着公仔T恤好低B？」為題發文，指在街上看到一些30歲以上的男人穿印有卡通公仔的上衣，與「着得好靚」的女友出街，形容「大大個比卡超、三眼仔印出嚟」。樓主對這種穿衣品味明顯並不苟同，直接批評「又hea又低B」、「望落好唔成熟好低B！冇啲男人氣慨！」

網民對帖文的反應兩極，有人認同樓主的看法，「淨色咪好囉，30+著得太卡通有點兒毒」、「如果好大隻好man的男人又係有少少怪嘅」、「如果着啲女角公仔，直頭覺得嘔心」。不過就有網民指，人人喜好不同，穿公仔衫亦不一定等於心態幼稚，「每個都有自己的喜好，好好包容及接納對方的所有」、「睇心態，唔通着公仔tee就係低B就係窮X咩」、「一個男人有冇吸引力，唔係靠件衫的，當然着得有型係有分加，但絕對唔認同着公仔衫會有低B感。」

資料來源：「香港討論區」