近年愈嚟愈靚又瘦身唔瘦胸嘅DaDa(陳靜)，預早同本周四51歲生日嘅老闆古天樂慶祝，往年親自整蛋糕，今年亦一樣，不過阿DaDa話：「我記得上年整咗個斜嘅，今年整咗個皺嘅🤔」又睇吓幾皺先，係嘅，係幾皺，但心意搭夠，雖然古早味蛋糕唔易整，DaDa又已經整咗四個都唔成功，古老闆人咁Nice，冇所謂啦，見佢都笑得好開心，不過，DaDa唔會放棄，「我下年會再挑戰失敗生日蛋糕系列」，祝你成功先。

同場慶祝仲有施念慈、謝高晉同埋2019年透過大陸男團選秀節目出道的大陸24歲男偶像姚明明（現改名：姚柏南）。