湯洛雯、黃庭鋒、洪永城與何依婷作客明晚（21日）播出的第七集《醫醫，我不想再病了》，是集主題「骨質疏鬆」，當湯洛雯聽到陳諾醫生在節目中指出，過了更年期的女士為骨質疏鬆高危患者，靚湯第一時間露出驚嚇樣，隨即被主持黎諾懿及楊潮凱寸爆謂：「佢未過五十歲，但係更年期過咗。」黃庭鋒及楊潮凱又先後踢爆靚湯是「拗柴達人」兼「發雞盲」；黎諾懿即再次出招寸靚湯謂：「因為鈍！」楊潮凱「接力」再踩一腳：「可能個腦有少少問題。」「四面楚歌」的靚湯大感「氣結」，邊飲恨樣拍枱兼笑著問道：「點解要針對我？」場面搞笑。