個人財物應自己保管好。有網民留意到巴士車廂已增設手機無線充電板，但擔心會令大意的乘客更容易遺漏手機，引起網上熱議。

該名網民在社交媒體Facebook群組「屯門公路塞車關注組」上載圖片，可見巴士座位旁邊新增手機無線充電板，乘客可將手機放在充電板上，讓手機以無線方式充電；充電板下方亦設有USB插頭，手機若不支援無線充電，仍可用USB線充電。樓主不禁質疑：「九巴有進步是好事，但有些人大頭蝦，會否在落車容易留下電話？」

帖文引起網上熱議，網民一面倒認為樓主的邏輯有問題，指即使沒有該新設備，乘客亦可遺漏各種東西，「有乜事一定係人哋問題」、「就算九巴無任何設施，啲人都可以手袋，電話，銀包乜都留低㗎啦！」、「自己唔記得拎關人哋咩事」、「咁呢個就唔關服務事啦，係個人問題」；另外有網民以樓主帖文格式諷刺，「九巴座位有進步是好事，但有些人大頭蝦，會否在關門前唔記得落車？」、「九巴有進步是好事，但有啲人血液循環唔好，坐得耐起身會否腳痺？」。

資料來源：「屯門公路塞車關注組」FB