工時長、壓力大，是很多香港打工仔的真實寫照，甚至有人認為打工如賣身，上班時不能有自己的想法及喜好。日前有網民在facebook專頁「奴工處」發文，指自己有一名年過40歲的男同事已任職一段時間，基本上每日上班下班都會抱住一隻巨大的卡比獸公仔，「喺Pantry食飯又帶住隻公仔坐對面，連去廁所都形影不離，連放工搭車都話要畀多一份錢等佢有位坐…唔係話唔畀佢有童真，但係返工一路打字，一路攬住佢其實都幾礙眼」。

樓主指早前人事部主管詢問男同事帶公仔上班的原因，但男同事竟回答：「方便時時刻刻當攬枕瞓覺，所以帶咗佢返工。」 ，翌日人事部發出通告，指所有人都不能帶大型公仔上班，否則會發警告。

多名網友就事件持不同意見，有人認為老闆聘請員工回來工作，是為了「做公司叫佢做嘅嘢」，但沒有叫他帶公仔上班，亦有網民坦言自己的公司亦曾出現上述情況，「無辦法，無一個老闆或者客人接受到，都要明白打工即係賣身呢個道理，你放佢喺一邊當擺設，無人睇到就抱一陣，唯有咁」。不過，亦有網民認為只要該名男同事能夠「交貨」，又不影響他人，基本上沒有問題，「如果無影響工作關人咩事」、「合約有冇寫？員工手冊有冇寫？勞工處見」、「係佢答得衰啫，你話當靠背都好呀」。

來源: 奴工處