早年已喺紐約置業嘅日本喜劇女星渡邊直美，喺IG宣布會將事業基地移至紐約：「我一直在海外工作，而且於美國、日本兩地往返工作已經接近兩年。」

上周六，渡邊直美34歲生日，佢喺IG Po咗幾張朋友幫佢賀壽照片，見佢收到個寫住日文字嘅蛋糕，仲有自己嘅卡通畫像，身邊圍住幾位日籍朋友，估計佢已返咗日本。壽星女好開心，佢話，「我今年34歲，我每日都收到好多祝賀，非常感謝。」佢仲答應Fans會再努力更新IG，多謝大家支持咁話。