李丞責博士今日53歲生日，因為佢有個好多鬼主意嘅老婆，所以正日生日前已安排咗好多生日活動賀老公，一班人聚會重點當然係食，加埋生日嘅話，活動中一定有切蛋糕環節，由於近年興起「扑蛋糕」，李博士朋友群組都好有心思，訂咗唔同款嘅蛋糕送畀壽星，包括金元寶型狀，神機妙算人型博士蛋糕等。李太留言，「預祝老公生日快樂，心想事成，身體健康，感謝多位好友為這位貌似年輕的老人家慶祝，（好彩佢唔睇social media），希望每年生日也可以好好同你熱鬧賀壽。」