夏韶聲和鄧建明（Joey）將於下月13日在九展舉行《Arrival ♾ Departure》演唱會，二人近日頻頻秘密練兵，為保持個唱神秘感，由海報拍攝、練歌、製作會議時，他們都謝絕非「核心成員」參與。夏韶聲笑指多年未舉行演唱會，一直深居簡出，鮮有以「靚佬」造型示人：「幾耐未試過Set呢啲咁勁嘅髮型，真係啲佬味出晒嚟！其實呢個騷係『概念音樂會』，視覺、聽覺都要有不一樣嘅感覺，我地要集中精神做準備，所以唔俾宣傳團隊參加綵排，怕佢哋爆晒出嚟冇神秘感。」