胡楓（修哥）今日在九展為下月6日在麥花臣場館舉行的《開心派對2慈善演唱會》綵排，對於Uncle Ray將打破修哥在89歲時創下在紅館最高年齡開騷紀錄，修哥開心表示，這是好事，打破紀錄他更是舉腳贊成，他更說：「我都唔知自己有冇96歳咁長命，亦都唔知道唱唔唱到2、30首歌，（你到96歲再破紀錄？）到時唔知仲喺唔喺度。哈哈！不過，世界真係美好，我有好多嘢都唔捨得，（捨不得美女嗎？）唔係，所有嘢都唔捨得，90歲仲會靚女咩？但係會欣賞。哈哈！」